На Фејсбук страницата „Грчка инфо“ се појави прекрасна порака од мајка која сакала да му се заблагодари на Македонецот, татко на пет деца, кој го пронашол нејзиниот тригодишен син, кој се изгубил на шеталиштето во Переа.
Мајката на Иван, сè уште под впечаток на целиот настан, во неколку реченици раскажа што се случило.
– Би сакал да му се заблагодарам на човек чие име не го знам, знам само дека е од Македонија и дека има пет деца. Сакам да му се заблагодарам што помогна и го најде мојот тригодишен син“, пишува мајката на момчето.
Имено, како што изјавила жената, пред само неколку дена на шеталиштето и биле доволни неколку секунди да го изгуби од вид момчето (3), но за среќа наишол маж со семејството на кој ќе му биде вечно благодарна.
– Доколку тој, или неговата сопруга или ќерка, со кои разговарав подоцна, го прочитаат ова, би сакала да нѐ контактираат – вели мајката Ивана.
Оваа жена им се заблагодари и на сите други луѓе со добра волја кои учествуваа, како и на оние кои мирно седеа, гледаа и вечераа.
– За среќа, се заврши добро, ми требаа секунди детето да ми побегне од пред очи, затоа не ја пуштајте раката на вашето дете, никогаш – порачува мајката.
Исто така, мајката на момчето апелираше до сите да не ги осудуваат другите родители кои доживуваат вакво нешто, бидејќи тоа може да се случи секому.
