Илјадници луѓе излегоа на улиците на Москва за да му оддадат последна почит на опозицискиот лидер Алексеј Навални кој денеска е погребан во Москва.
Ожалостените собрани пред црквата на Богородица во Москва изјавија дека дошле да му оддадат почит на нивниот вистински „херој“, Алексеј Навални.
Снимката споделена од тимот на Алексеј Навални покажува голема толпа која го извикува неговото име и аплаудира додека погребната кола пристигнува пред црквата. Во околината на црквата се присутни бројни полициски сили. „Тој не се плашеше, ние не се плашиме“, извикуваа толпата.
Извештаите сугерираат дека снајперисти биле поставени на покривите во Москва за време на погребот на Алексеј Навални. Народот се собра пред црквата каде има и силно полициско присуство.
Фондацијата Алексеј Навални објави слика од погребот на починатиот руски опозиционер. Ожалостените со свеќи во рацете се собираат околу неговото тело, кое лежи во отворен ковчег покриен со цвеќиња.
Пред почетокот на погребната церемонија голем број на луѓе пристигнуваат на гробиштата и ги пробиваат безбедносни проверки. Толпата околу црквата во еден момент почна да скандира „Русија без Путин“ и „Путин убиецот“, се слуша на видеата што ги објавува тимот на Навални на социјалните мрежи
По скандирањето „Навални“, дел од насобраните ги пробиле бариерите за да се приклучат на погребната поворка, според снимките од местото на настанот.
Во Москва започнаа првите апсења на луѓе кои извикуваа слогани против рускиот претседател Владимир Путин и неговата војна во Украина.
