Ако ве боли папокот, сосема е разбирливо дека сте загрижени, особено ако болката дојде наеднаш, е многу интензивна или трае долго. Самата болка во папокот, исто така наречена периумбиликална болка, може да се појави во или околу папокот.
Како што пренесува Б92, болката може да биде со различен интензитет и неопходно е веднаш да се посети лекар доколку се појават симптоми како покачена телесна температура, крв во столицата, отежнато мокрење или неможност да се задржи храната заедно со болен папок.
Исто така, експертите предупредуваат дека болката во папокот најчесто укажува на еден од неколкуте можни здравствени проблеми кои треба навреме да се третираат за да се спречат посериозни последици или хронична болка. Тие велат дека непријатната болка во папокот може да се појави поради следниве состојби:
– Кронова болест
– папочна кила
– апендицитис
– инфекција на уринарниот тракт
– гастроентеритис
– жолчни камења
