Мигрената е невролошко нарушување кое предизвикува интензивна болка која најмногу се јавува на едната страна од главата, додека една третина од мигренозните главоболки ги зафаќаат двете страни. Генерално, мигренозната главоболка може да трае од четири до 72 часа и генерално е поврзана со еден или повеќе рестриктивни симптоми, вклучувајќи слаб вид, повраќање, гадење, вртоглавица, чувствителност на звук, мирис и допир и вкочанетост во лицето.Се проценува дека два отсто од светската популација страда од хронична мигрена, а оваа ослабувачка состојба обично ги погодува жените почесто отколку мажите. Иако генетиката игра важна улога во појавата на мигрена, лекарите откриваат дека тоа не е единствената причина.
Имено, постојат дури шест суптилни работи кои можат да доведат до мигрена.
Како што објаснуваат тие, предизвикувачите на мигрена обично варираат од личност до личност, а некои од најчестите предизвикувачи на кои треба да внимаваме за барем малку да ги намалиме нападите на мигрена вклучуваат:
консумација на одредени видови храна (солена и зачинета храна, сирење, чоколадо, агруми, алкохол)
хормонална нерамнотежа
проблеми со спиењето (несоница, апнеја)
стрес
временските промени
изложеност на силна светлина.
