Легендата на Манчестер Јунајтед и француски фудбалер Ерик Кантона во вторникот на социјалните мрежи ја покажа својата поддршка за Палестина.
Во објава на Инстаграм, Кантона изјави дека „да ги браниш човековите права на Палестинците не значи дека си на страната на Хамас“.
„Да кажете „Слободна Палестина“ не значи дека сте антисемитски или „сакате сите Евреи да исчезнат“. „Слободна Палестина“ значи ослободување на Палестинците од израелската окупација која веќе 75 години ги лишува од основните човекови права. „Слободна Палестина“ значи прекин на затворањето на 2,3 милиони Палестинци во најголемиот затвор на светот на отворено, од кои половината се деца. „Слободна Палестина“ значи ставање крај на апартхејдот наметнат од израелската влада. „Слободна Палестина“ значи да им се даде на Палестинците контрола над основната инфраструктура на нивната земја“, рече Кантона.
Кантона во својата фудбалска кариера имаше најмногу натпревари за Манчестер Јунајтед, за кој настапуваше од 1992 до 1997 година.
Тој е петкратен освојувач на англиската Премиер лига, каде што освои четири титули со Манчестер Јунајтед и една со Лидс Јунајтед.
Кантона беше шампион на Франција во 1989 и 1991 година кога играше за Олимпик Марсеј.
Тој се повлече од фудбалот во 1997 година на 30-годишна возраст.
