Иако неколку дена пред доделувањето беше најавено дека пејачката Леди Гага на 95. Оскари нема да ја изведе песната „Hold My Hand“ од филмот „Топ Ган: Маверик“, се чини дека во последен момент дојде до промена на планот.
Леди Гага требаше да ги пропушти Оскарите поради деловни обврски. Имено, таа моментално го снима филмот „Joker: Folie à Deux“ во кој ја глуми Харли Квин и се чинеше дека нема да може да го вклучи доделувањето на Оскарите во својот распоред. Меѓутоа, Гага успеа да се појави и го отпеа својот хит, кој беше номиниран во категоријата за најдобра оригинална песна.
Кога станува збор за модата на Оскарите, секоја година има некој чиј изглед ги поделува мислењата, а овој пат таа улога и припадна на Гага.
Пејачката и актерката дојде на доделувањето на наградата во исклучително секси фустан на модната куќа „Версаче“ од нивната колекција за есен/зима 2023/2024 година, која беше прикажана пред само четири дена на спектакуларна ревија во Лос Анџелес.
Меѓутоа, среде доделувањето направи комплетна стилска трансформација, ја избриша шминката и се пресоблече во искинати фармерки, маица со кратки ракави и „старки“. Нејзината емотивна избедба беше посветена на режисерот Тони Скот кој го режираше оригиналниот „Топ Ган“.
ФОТО: AFP
