Ниту во едно од седумте скопски училишта не пронајден експлозив, соопшти Министерството за внатрешни работи (МВР) откако утрово на мејловите на училиштата биле испратени заканувачи пораки дека во објектот е поставена бомба.„Министерството за внатрешни работи ја известува јавноста дека се направени сите потребни проверки во врска со денешните пријави дека седум училишта на територија на Скопје добиле порака на електронската адреса со закана за поставена експлозивна направа, и утврдено е дека станува збор за лажни пријави. Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави“, информираше МВР.
Albanian
English
Macedonian
Turkish
