Латинскиот патријарх на Ерусалим, претставник на папата Фрањо во Светата земја, во понеделникот изјави дека ќе биде подготвен да биде разменет за децата кои Хамас ги држел како заложници во Газа.
Кардиналот Пјербатиста Пикабала го даде тој коментар за време на видео конференција со новинари во Италија, пренесува Ројтерс.
Тој им рече на новинарите:
„Подготвен сум за размена, се, ако ова може да доведе до слобода, да ги вратам децата дома. Од моја страна има целосна подготвеност“, додаде тој.
Кардиналот продолжи:
„Првата работа што треба да се направи е да се обидеме да ги ослободиме заложниците, во спротивно нема да има начин да се запре ескалацијата. Подготвени сме да помогнеме, дури и јас лично“.
Израелските одбранбени сили во понеделникот објавија дека ги информирале семејствата на 199 заложници дека нивните најблиски се чуваат во Појасот Газа.
Меѓу заложниците, кои беа киднапирани од милитантите на Хамас за време на терористичките напади на 7 октомври, има старци, жени и деца.
Танјуг/АП Фото/Маја Алеруцо
Би-Би-Си потврди дека се киднапирани најмалку 13 деца, повикувајќи се на снимка на која се гледа како милитантите на Хамас киднапираат мали деца од кибуц во јужен Израел.
Меѓу оние кои ги загубија животите во кибуци во близина на Газа за време на саботните терористички напади има деца.
ИД во неделата за Си-Ен-Ен изјави дека бројот на загинати во Израел сега изнесува повеќе од 1.400 луѓе, додека бројот на Палестинци убиени во израелските одмазднички напади врз Газа е 2.750, според палестинското Министерство за здравство.
Пикабала денеска изјави дека неговата канцеларија сè уште не контактирала со Хамас за да ја официјализира неговата понуда, бидејќи е „многу тешко“, пренесе Ројтерс.
