Курти за исчезнатите интелектуалци од Митровица: Отворете ги архивите во Белград
По повод годишнината од исчезнувањето на 23 интелектуалци од Митровица, косовскиот премиер Аљбин Курти изјави дека е неопходно да се отворат архивите во Белград за да се утврди вистината.
Курти на Фејсбук напиша дека група од 23 лекари, професори и активисти на националното прашање биле запрени од српските сили на 19 април 1999 година, кога заминувале за Црна Гора, пренесе РТК2.
Според неговите изјави, последен пат биле видени во селото Дрен, општина Зубин Поток.
„Потребно е да се отворат архивите во Белград со цел да се разјасни вистината, правдата за жртвите и казнувањето на воените злосторници, бидејќи злосторствата во Косово се злосторства извршени од државата Србија“, рече Курти.
Под сомнение за масовна гробница, на 26 август 2021 година, екипите на Институтот за судска медицина на Косово извршиле ископување во селото Дрен, но не пронашле ништо, изјави Курти и додаде дека „српските сили ги уништиле телата по убиството, во обид да се уништи вистината“.
