Косовскиот премиер Албин Курти изјави дека „косовската страна ќе седне на преговарачка маса во Брисел“, за да се постигне конечен договор за регистарските таблички „само по принципот на реципроцитет“, пренесоа приштинските медиуми.
„Крајниот рок за договорот меѓу Приштина и Белград за регистарските таблички е 21 април, а принципот на реципроцитет ќе биде суштината на секое решение“, рече Курти.
Привремената спогодба за регистарски таблички на возила истекува на 21 април.
Според привремената спогодба, која е фиксирана на шест месеци, симболите на Косово и Србија на табличките мораа да бидат покриени со налепници на премините.
