Килијан Мбапе и официјално стана играч на Реал Мадрид, официјално потврди шпанскиот и европски шампион, кој потпиша петгодишен договор со францускиот напаѓач.
Мбапе досега настапуваше за францускиот ПСЖ, а договорот му истече на 30 јуни. Тој освои седум шампионски титули на Франција, четири Купа на Франција, три Суперкупа и два Лига купа.
Французинот доби 100 милиони евра за потпишување на договорот и 15 милиони евра годишно нето, но и вредни спонзорски договори. Конечно ќе го исполни својот детски сон и ќе заигра за Кралскиот клуб во кој се заљуби поради Роналдо.
Славниот Португалец се огласи на Инстаграм и му испрати порака на Мбапе.
„Мој е редот да те следам. Возбуден сум да гледам како го креваш Бернабеу на нозе“, напиша Роналдо во коментарот на објавата на Мбапе.
