Кремљ во средата ги отфрли шпекулациите дека претседателот Владимир Путин планира да објави војна против Украина и да прогласи национална мобилизација на 9 мај, кога Русија ја одбележува победата на Советскиот Сојуз во Втората светска војна, јавува Ројтерс.
– Нема шанси за тоа. Тоа е глупост – рече портпаролот на Кремљ, Дмитриј Песков.
Денот на победата на 9 мај е еден од најважните национални настани во Русија. Тоа е сеќавање на огромната советска жртва направена во поразот на нацистичка Германија во таканаречената Голема патриотска војна на Русија.
