Српскиот принц и престолонаследник Филип и принцезата Даница кои живеат во Белград одлучија да објават две семејни фотографии со Марија, нивната новородена ќерка. Ова го соопшти кабинетот на принцот. Семејството претпочита да се крие од јавноста откако Марија беше родена, пишува Б92.
На една од објавените фотографии принцезата Марија е сликана во прегратките на нејзината мајка, додека таткото го држи во скут нивниот син, петгодишниот принц Стефан. На другата фотка се прикажани и бабите и дедовците.
Прикажана е мајката на Филип – принцезата Марија да Глорија од Орлеанс и Браганца, која е принцезата од Бразил, војвотка од Сегорба и грофицата од Ривадавија и истовремено е поранешна принцеза на Југославија.
На истата фотографија се прикажани и родителите на принцезата Даница, познатиот српски сликар Милан Цила Маринковиќ со сопругата Беба Маринковиќ.
Какво е потеклото на новородената принцеза Марија? Нејзиниот татко Филип Караѓорѓевиќ (роден во Ферфакс, на 15 јануари 1982 година) е актуелниот престолонаследник на Југославија и Србија. Внук е на кралот Петар II и на кралицата Александра, односно втор син на престолонаследникот Александар и принцезата Марија да Глорија од Орлеанс и Браганца.
Тој е брат близнак на принцот Александар. Живеел во Вирџинија до 1984 година. Заедно со неговиот брат близнак Александар, прво посетувал градинка во Лондон. На осумгодишна возраст, Филип станал основец во Лондон во 1990 година. Во јуни 2000 година, матурирал во Кралското училиште во Кентербери, Англија, со врвни оценки по три предмети (шпански, политика и географија). Филип студирал хуманитарни науки.
Филип и неговото семејство се населиле во Белата палата во Белград на 17 јули 2001 година, а брат му Александар со сопругата дошол да живее на Дедиње истата година.
На 24 јули 2017 година се вери со својата долгогодишна девојка Даница Маринковиќ. Свадбата се одржа на 7 октомври 2017 година во катедралната црква во Белград, а чиноначалствуваше српскиот патријарх Иринеј.
Историјата на династијата Караѓорѓевиќ оди до 19 век кога Србија кренала две востанија против Османлиите за ослободување. Основачот е Ѓорѓе Петровиќ – Караѓорѓе, кој го крена Првото српско востание во 1804 година. Тој во 1813 година се повлекол од Србија, а во 1815 година Милош Обреновиќ го крева Второто српско востание. Така започнала ерата на Обренвиќи.
Но, во 1842 година, благодарение на уставобранителите на ласт дошол синот на Караѓорѓе, Александар, кој бил на власт до 1858 година, кога на свети Андрејскиот собор бил вратен на власт кнезот Милош Обреновиќ.
По мајскиот преврат во 1903 година, династијата Обреновиќ престанала да постои и на власт бил повикан синот на Александар, внукот на Караѓорѓе, Петар. Кралството беше официјално укината во 1945 година, а кралското семејство беше во егзил.
Имотот на Караѓорѓевиќ беше конфискуван од комунистичката влада во 1947 година.
