Навивачите на Реал Мадрид скандираа за Килијан Мбапе и Винисиус за време на денешната парада.
По повод прославата на 36. шпанска титула оваа недела, говор одржа Флорентино Перез. Претседателот на Реал Мадрид праша кој играч треба да го доведе за следната сезона. Како одговор, младите навивачи веднаш рекоа: „Мбапе! Ова го насмеа Перез.
Навивачите активно го поддржаа и крилото Винисиус Жуниор, кој постигна 21 гол и девет асистенции на 36 натпревари оваа сезона.
Додека Бразилецот го држеше својот говор за време на церемонијата, присутните го поздравија скандирајќи: „Златната топка за Винисиус“.
– Добар ден, мадридисти. Ви благодарам многу што дојдовте овде и не бодрете во текот на целата година – изјави Модриќ.
Искусниот играч за врска се обиде да го продолжи говорот, но беше прекинат од татнежот на толпата! Се скандираше „Лука остани“, а Модриќ само се насмевна и ја спушти главата, додека соиграчите го бодреа и го тапкаа по грбот. На крајот извика: „Хала Мадрид“ и го предаде микрофонот.
Реал ја обезбеди шампионската титула во Ла Лига и избори финале во Лигата на шампионите каде ќе се соочи со Борусија Дортмунд.
