На состанокот беше поздравена конструктивната улога на Република Северна Македонија како претседавач со ОБСЕ, како и придонесот на нашата држава во мирот во регионален и глобален контекст, посебно што во Северна Македонија се гледа фактор на стабилност и безбедност во регионот.
Премиерот Ковачевски и помошникот државен секретар на САД, О’Брајан го потврдија големото пријателство помеѓу Северна Македонија и САД, коешто е базирано на меѓусебна доверба.
На средбата е потенцирано дека политичката стабилност има клучно значење во реформските процеси од значење за граѓаните и за развојот.
Се констатираше дека Северна Македонија со зрелите политики и мудрите лидерски одлуки стана членка на НАТО и сега е пред пресвртен момент да обезбеди европски квалитет на живот каков што заслужуваат македонските граѓани, функционална имплементација на владеењето на правото и унапредување на правната институционална рамка во рамките на процесот на преговори со ЕУ.
Заедничкиот заклучок од средбата беше дека е неопходно сите политички лидери и субјекти во државата да ја имаат предвид важноста Северна Македонија да продолжи со следниот чекор на патот кон ЕУ, што ќе ги осигура европските перспективи на државата. Тоа е чекор што се очекува од Северна Македонија како придонес во демократскиот прогрес и перспективите на целиот Западен Балкан и во прилог на стабилноста и безбедноста на европскиот континент.
