Косовската полиција утринава во Јариња приведе наставник по физичко од северна Косовска Митровица поради наводен напад врз албански новинари во тој град, но тој по неколку часа е ослободен, потврди за Н1 неговиот адвокат Небојша Влајиќ.
И.М. дал изјава во косовската полициска база во Јариње и рекол дека нема никаква врска со наводниот напад, а потоа го продолжил патувањето кон централна Србија, вели Влајиќ.
„Тој е приведен поради некои информации дека учествувал во наводен напад врз албански новинари пред месец или два во Косовска Митровица. Секако дека тоа не е точно, тој настан се случил пред продавницата каде што работи, па тоа е единственото нешто што може да го поврзе со тој настан. Тие обвинувања и сомнежи беа апсолутно неосновани, неоправдани и лажни. Тој даде изјава и објасни дека тоа нема никаква врска, изјавата е вистинита и полицијата која го води случајот ја зела изјавата и го ослободила. По земање на исказот, тој беше ослободен и го продолжи патот, а за нас случајот е завршен“, изјави Влајиќ
