Поранешната премиерка Јадранка Косор ја коментираше најавата за изградба на стадионот по успехот на хрватската фудбалска репрезентација на Светското првенство во Катар.
„Цело утро слушам како ќе се градат стадиони. Колку пари има. А на Бановина се изградија 6 куќи. И највисоката инфлација досега. И грабежот во ИНА е заборавен. Година на заборав“, напиша Косор на Твитер.
Да потсетиме, претседателот на Хрватскиот фудбалски сојуз, Маријан Кустиќ, најави дека следната година ќе почне изградбата на стадионот во Загреб, како и реновирање на Пољуд и другите стадиони на кои настапува репрезентацијата.
„Мислам дека конечно дојде времето, а потврда за тоа е и овој бронзен медал од Катра. Добив уверување од градоначалникот и премиерот на Загреб дека во 2023 година ќе почнеме да го градиме стадионот во Загреб, реновирањето на Пољуд и другите стадиони на кои настапува хрватската репрезентација. Видовте како изгледаат стадионите во Катра, а навистина дојде време љубителите на фудбалот во Хрватска да добијат пристоен дом“, рече Кустиќ.
