Часовникот што поранешниот чешки претседател Милош Земан му го подарил на Александар Вучиќ законски е во сопственост на државата Србија, што значи дека Вучиќ не ќе може да му го подари часовникот на првороденото дете од Косово во 2024 година без дозвола од посебна владина комисија, пишува српска Нова.
Се шпекулира дека часовникот кој го доби Вучиќ на поклон чини 500.000 евра, информација која Вучиќ ја демантираше во своето интервју за ТВ-Пинк. Тој го носеше часовникот за време на интервјуто.
„Има и посвета. На Александар Вучиќ, претседателот на Чешката Република, Милош Земан, на 11 септември 2019 година“, ја прочита посветата Вучиќ.
Вадејќи го од раката пред камерите Вучиќ рекол дека се работи за часовник „Прима“ од чешко производство, чии модели чинат меѓу 500 и 3.000 евра.
– Овој модел чини околу 1.000 евра. Го знам ова затоа што го носев на аукцијата. Знаете, тоа е подарок и како таков треба да остане на државата. Сепак, имам право да го откупам, бидејќи има сентиментална вредност за мене. Затоа побарав проценка – објасни Вучиќ и истакна дека планира да му го даде часовникот на првороденото бебе на Косово во 2024 година.
Претседателот го пријавил овој подарок во Агенцијата за спречување на корупцијата на Србија. Во каталогот за подароци пишува дека се работи за часовник „Прима“, а со него е добиена и лиценца за сумата од Чешка и потврда за примопредавање. Наведено е и дека часовникот е јавна сопственост, а проценката на неговата вредност сѐ уште трае.
По четири години неговата проценета вредност не е наведена на веб-страницата на Агенцијата.
Според еден експерт, Вучиќ нема право да го откупи часовникот, но дека таа можност ја предвидува и Предлог-измената на Законот за спречување на корупцијата во Србија.
