Рекламата со Рос и Рејчел ги одушеви обожавателите на „Пријатели“, има милион прегледи за еден ден
Објавена е рекламата на Uber Eats, онлајн платформата за нарачка и испорака на храна, која ќе биде прикажана како дел од рекламите на овогодинешното емитување на Супербол.
Во рекламата, меѓу другите, се и Џенифер Анистон, Дејвид Швимер, Ашер, Викторија и Дејвид Бекам и Џели Рол.
Неколку сцени од рекламата предизвикаа одушевување кај гледачите. Внимание доби маицата на Викторија на која пишува „Жената на Дејвид“, но делот од рекламата со Џенифер и Швимер најмногу им се допадна на луѓето.
Имено, Анистон му приоѓа на Швимер на филмскиот сет и се обидува да го прегрне, но тој ѝ се спротивставува. Се однесува како да не знае кој е.
„Дали се запознавме? Дај ми навестување“, прашува Џен, а Дејвид одговара: „Работевме заедно десет години“.
– Десет години? Таа завршува велејќи: „Како да сум заборавила десет години од мојот живот“, додека Дејвид заклучува: „Го мразам овој град“.
Дејвид и Џенифер глумеа заедно во десет сезони на „Пријатели“. Таа ја играше Рејчел, а тој Рос. Во серијата беа во врска и раскинуваа неколкупати.
Рекламата за „Uber Eats“ ќе се емитува за време на Супербол на 11 февруари.
