Тартуфите се најценетите и најскапи печурки на светот и за нив и за нивните лековити својства
луѓето знаат одамна. Благодарение на специфичната арома тие се гастрономски специјалитет што
се додава во јадењата изрендан или на тенко сечкани ливчиња, односно, едвај во грамови. Заради
високата цена токму така и се продаваат – мерени на грамови или спакувани во различни
деликатеси со тартуфи. А факт е дека дури и најобичното јадење се претвора во вистински
деликатес кога во него ќе се додаде тартуф дури и во најминимална количина.
Но и тука треба да се биде вимателен, впрочем, како и за сѐ друго.
Имено, неодамна, хрватскиот новинар Матија Бабиќ ја разоткри истарската индустрија за тартуфи
како голема измама. Спооред него, таканареченото масло со вкус на тартуфи, всушност, не се
прави од тартуфи. „Синтетичкото ѓубре кое се продава под име на луксузен гастрономски производ
им дава идеја на потрошувачите дека тартуфите имаат интензивен мирис на плин, тоа е измама
затоа што лажно претставува производ кој нема никаква врска со тартуфите и ги става во
неповолна положба сите ресторани кои се трудат да работат чесно: ако не ги ароматизирате
јадењата со тартуфи со додадени вкусови на кои се навикнати гостите, наивните гости ќе помислат
дека штедите на нив“, пишува новинарот.
Купувајте производи само од луѓе од доверба
Затоа, наместо во маркетите од непроверени и непознати производители, најдобро е, како и за сѐ друго,
да си имате свој сигурен снабдувач, поточно, некој кој е директно вклучен во наоѓањето на
тартуфи, кој е и самиот производител на деликатеси со тартуфи и за кој знаете дека ги подготвува
токму со оние состојки кои се напишани на етикетата, без вештачки додатоци со арома на тартуф.
Кај нас (можеби и за среќа), тартуфарството сѐ уште не е многу распространето, а едни од првите
кои почнаа да се занимаваат со ова и за чии производи со сигурност знаеме дека кога јадеме
нешто со тартуфи тоа е навистина со тартуфи, се нашата соговорничка Валентина Митрова и
нејзиниот сопруг Тони чии производи од тартуфи се продаваат под брендот „Туф“.
Повеќе за ова на порталот „Арт кујна“.
