Климатските промени ги направија сезонските алергии почести низ целиот свет.Сезоната на алергии секоја година станува подолга, па се повеќе луѓе имаат симптоми. Се очекува нивото на полен да се зголеми за 200 отсто до крајот на векот, предупредуваат експертите.Симптомите што се јавуваат вклучуваат чешање на очите, течење на носот и други симптоми на алергија предизвикани од сезонскиот полен, според Центрите за контрола и превенција на болести (ЦДЦ).
„Бројот се зголемува во последните децении, поттикнат од зголемувањето на бројот на полен и подолгите топли сезони“, изјави д-р Клифорд Басет од Медицинскиот факултет NIU Grossman за Инсајдер.
Тој додаде дека бројот на полен се зголемил за приближно 20 проценти во последните три децении, според студијата објавена во 2021 година, благодарение на климатските промени.
Тој број ќе се зголеми за 200 проценти до крајот на векот, според студијата објавена во Nature во 2022 година. Авторите предвидуваат дека луѓето со веќе постоечки алергии или респираторни проблеми ќе забележат потешки симптоми и дека повеќе луѓе ќе развијат сезонски алергии во наредните децении.
„Луѓето со астма може да доживеат и потешки симптоми, а се повеќе од нив ќе бараат лекови“, изјави претходно Морган Мекфол-Џонсон за Инсајдер.
Климатските промени и загадувањето ги влошуваат алергиите
Главниот извор на емисии на јаглерод, екстракција и согорување на фосилни горива, исто така придонесува за целокупното загадување на воздухот и глобалното затоплување.
Д-р Басет рече дека различни загадувачи можат да стапат во интеракција со поленот во воздухот, што потенцијално ја влошува сериозноста на симптомите на алергија.
Децениското глобално затоплување овозможи сезоната на алергии да започне порано.
„Секоја пролет од 1940-тите, сезоната на алергии започнува порано и завршува подоцна“, рече д-р Басет.
Всушност, сезоната на алергии е продолжена за дури 20 дена во годината.
Подолгите сезони на алергија може да имаат сериозни последици за ризичните групи
Вообичаено, различни видови дрвја произведуваат полен во различни периоди од годината. Но, подолгата сезона на алергии значи и дека различни видови растенија произведуваат полен приближно во исто време, според студијата објавена во Nature во 2022 година.
Астмата, која може да биде предизвикана од полен и загадувачи, е почеста кај расните малцинства и семејствата кои живеат под прагот на сиромаштија. Според Climate Central, живеењето во лошо проветрени згради во области со високо ниво на загадување го зголемува ризикот од респираторни проблеми, особено за време на подолгите сезони на алергии.
Д-р Басет препорачува оние кои страдаат од алергија да разговараат со специјалист за лекови, да инвестираат во производи како филтри за воздух и да избегнуваат познати предизвикувачи, дури и пред да почувствуваат симптоми.
„Ова може да помогне да се зајакне слузницата на носот“, рече тој, „зголемувајќи ги шансите полесно да ја поминете сезоната на алергии“.
