Еден од претставниците на американскиот Сенат изјави за Ројтерс дека кинески хакери успеале да украдат околу 60.000 мејлови од американскиот Стејт департмент.
На почетокот на оваа година, кинеските хакери веќе извршија слични напади, рушејќи ја платформата за е-пошта на Мајкрософт.
Овој пат, хакерите стигнаа до околу 60.000 мејлови и тие беа украдени од десет различни сметки на Стејт департментот. Овој случај дополнително предизвика тензии меѓу Кина и Соединетите Американски Држави, при што официјален Пекинг негираше дека има некаква врска со овие акции.
„Мораме да ја зајакнеме нашата одбрана од вакви и слични сајбер напади. Такво нешто не смее да се случи во иднина“, изјави во оваа прилика сенаторот Ерик Шмит.
