Кина остро ги критикуваше САД дека ставија вето на резолуцијата на Советот за безбедност на ОН со која се бара итен прекин на огнот во Газа, јавува денеска Би-би-си.
Пекинг рече дека потегот на САД испратил „погрешна порака“ и дал „зелено светло за продолжување на масакрот“.
Вчера САД ставија вето на нацрт-резолуцијата на Советот за безбедност на ОН, со која се бара итен прекин на огнот во Газа.
Тоа е третпат САД да стават вето на телото, од почетокот на војната меѓу Израел и палестинското исламистичко движење Хамас.
Предлогот за резолуција, со кој се бара итно воведување хуманитарен прекин на огнот што треба да го почитуваат сите страни, доби 13 гласа, додека еден беше против, а еден воздржан – Велика Британија.
