Портпаролката на кинеското Министерство за надворешни работи Мао Нинг рече дека чинот на палење на светата книга Куран во Шведска и во други земји ја покажува „лицемерието на некои западни политичари во однос на слободата на верување“.
На дневната прес-конференција во Пекинг, Мао истакна дека мора да се почитуваат верските чувства на муслиманите.
„Почитувањето на слободата на верските уверувања е широко прифатено во меѓународната заедница. Религијата и верските чувства на муслиманите мора да се почитуваат“, рече таа.
Таа истакна дека некои политичари во Европа само немо ја следеле веста за палење на примероци од светата книга Куран.
„Овие случаи ја покажуваат лицемерието на некои западни политичари кои тврдат дека ја почитуваат слободата на верувањето“, рече Мао.
Мао рече дека Кина се залага за дијалог меѓу цивилизациите и дека ќе продолжи да соработува со муслиманските земји за заштита на слободата на верување на муслиманите и другите верски заедници.
Минатата недела, данско-шведскиот екстремист Расмус Палудан и Едвин Вагенсвелд, екстремно десничарски холандски политичар и водач на исламофобната група Пегида, запалија копии од Куранот во Шведска, Холандија и Данска.
