Кина негираше дека „притиска“ некои земји да не учествуваат на мировниот самит за Украина што се организира во Швајцарија, како што тврди украинскиот претседател Володимир Зеленски.
„Употребата на сила не е стил на кинеската дипломатија… Позицијата на Кина е отворена и транспарентна и ние во никој случај не вршиме притисок врз другите земји“, изјави за новинарите Мао Нинг, портпаролка на кинеското Министерство за надворешни работи.
Овој викенд, Володимир Зеленски, на безбедносната конференција „Дијалог Шангри-Ла“ во Сингапур, ја обвини Кина дека врши притисок врз другите земји и нивните лидери да не присуствуваат на мировниот самит за Украина организиран од Швајцарија кон средината на месецот.
Тој не прецизираше за кои земји станува збор. Тој рече дека Кина и помага на Русија во обид да ја попречи претстојната мировна конференција за Украина.
Кина изјави дека има неутрален однос кон војната.
