Цел Холивуд зборува за романсата на оваа двојка, а новинарите забележале дека често се наоѓаат на исти места. Американските медиуми пишуваат дека е многу можно Ким Кардашијан да има нова романса.
Не постојат конкретни фотографии како доказ, во смисла тие да се фотографирани заедно, но затоа постојат одредени показатели.
Од тие индиции започна приказната.
Ким Кардашијан присуствуваше на забавата за 30-тиот роденден на Одел Бекам помладиот неколку месеци пред да се појават гласините за нивната романса. Ким и Бекам често се движеа во ист круг долго пред, очигледно, нивното пријателство да прерасне во нешто повеќе.
Фотографиите докажуваат дека Кардашијан присуствувала на 30-тиот роденден на славниот спортист во ноември минатата година, а сега повторно се појави вест дека тие „лежерно се дружеле“.
Иако 42-годишната ѕвезда никогаш не беше сликана со Бекам, таа беше видена како ја напушта вечерата по неговата забава во Лос Анџелес. Во меѓувреме, познатиот спортист, наводно, поголемиот дел од ноќта го поминал со својата тогашна девојка Лорен Вуд.
Сепак, извори потврдија за порталот „Пејџ сикс“ дека Бекам и манекенката, со која доби син во февруари 2022 година, раскинале на почетокот на оваа година.
Кардашијан и Бекам беа забележани на неколку исти забави во последните месеци.
Тие биле видени и во истиот ресторан во Мајами во сопственост на Дејв Грутман. Додека Кардашијан пристигнала со Тристан Томпсон, Бекам вечерал таму во исто време.
Упатените изјавија за овој медиум дека двојката имала многу заеднички пријатели и главно се дружеле во групи и покрај флертувањето.
Инсајдер сподели слична приказна со „Дејли мејл“, инсистирајќи дека „сè уште не се случува ништо сериозно“.
– Во моментов навистина не би стапил во врска со Ким. Бекам се обидува да се врати на нивото на кое беше на теренот пред повредата и тука е неговиот фокус. Но, тој сака да се забавува и со своите пријатели, а ако е со Ким – тоа е одлично за него – рекол изворот.
Кардашијан последен пат беше поврзана со комичарот Пит Дејвидсон, со кој се забавуваше девет месеци, по разводот со Канје Вест. Во меѓувреме, Бекам почна да излегува со Вуд, со која има едногодишен син Зидн.
ФОТО: Инстаграм
