Главниот град на Украина синоќа беше силно нападнат од руски беспилотни летала, а според градските власти, фрагментите од соборениот авион повредиле најмалку две лица и оштетиле десетина згради во Киев.
Нападот бил извршен во бранови и од различни правци, а предупредувањето за воздушна закана траело осум часа, соопштија градските воени власти, пренесува Укринформ.
Наводно, над 30 беспилотни летала биле соборени над Киев и околината.
Градоначалникот Виталиј Кличко објави дека руските напади предизвикале пожари во пет области на Киев.
Во Одеса е оштетена и катна зграда, а еден маж е повреден при паѓање на остатоци, објави на Телеграм регионалниот гувернер Олех Кипер.
