Мисијата на КФОР ја поздрави одлуката за отстранување на барикадите на северот на Косово, соопштија денеска.
Отстранувањето на барикадите мора да се направи брзо, на безбеден начин, избегнувајќи секакви инциденти или ризици“, се наведува во соопштението.
Како што велат, сите страни треба да избегнуваат каква било реторика или дејствија кои можат да предизвикаат дополнителна ескалација.
„КФОР внимателно го следи развојот на настаните. Остануваме крајно претпазливи и подготвени да интервенираме, доколку е потребно, во согласност со нашиот мандат врз основа на Резолуцијата 1244 на Советот за безбедност од 1999 година“, заклучуваат тие.
