На судењето на Кевин Спејси беше кажано дека холивудскиот актер „флертувал со 19-годишниот Џон Баровман и лежел со него во креветот“. Адвокатите на Спејси тврдат дека „ништо несоодветно“ не се случило помеѓу двајцата актери откако биле во станот на Кевин.
Деталите од нивната средба беа откриени во судницата во Њујорк како дел од граѓанската тужба против оскаровецот што ја покрена актерот Ентони Рап, кој тврди дека бил цел на „сексуален напад“ од Кевин Спејси на една забава.
Според последното сведочење, Спејси ги поканил и Баровман и Рап на вечера откако се запознале, а подоцна и во еден клуб. Адвокатката на актерот, Џенифер Келер, тврди дека Спејси не му понудил алкохол на Рап и дека тие двајца не биле сами.
Келер додала дека Баровман и Спејси не се впуштиле во никаква сексуална активност додека лежеле во кревет поради присуството на Рап. Баровман, наводно, подоцна му испраќал цвеќиња на Спејси, а Спејси често им се јавувал на Баровман и неговата мајка. Келер рекла дека Рап се обидел да го прикаже Спејси како „човек кој вознемирува и демне“ токму поради тие телефонски повици.
За потсетување, Спејси е обвинет во Британија за пет кривични дела – четири точки за сексуално злоставување со допирање и за наведување на личност на сексуален пенетративен чин без согласност. Обвинителите велат дека Спејси го принудил мажот на орален секс.
