Супермоделот Кејт Мос, партнерката на Џони Деп во 1990-тите, би можела да сведочи во среда во тужба поднесена против поранешната сопруга на Деп, Амбер Херд, објавија американските медиуми, повикувајќи се на извори блиски до актерот.
48-годишната Британка треба да сведочи преку видео конференција од Калифорнија, објави „Њујорк пост“.
Кејт Мос, која беше во врска со ѕвездата од „Пиратите од Карибите“ меѓу 1994 и 1997 година, беше повикана како сведок од адвокатите на Деп.
За време на изјавата на 5 мај, Амбер Херд опишала жестока кавга со нејзиниот поранешен сопруг во март 2015 година, што предизвика гласини дека Деп ја турнал поранешната манекенка по скалите.
Веднаш помислив на Кејт Мос“, рече таа тогаш.
Адвокатите на актерот се надеваат дека Мос ќе ги отфрли гласините и ќе го дискредитира сведочењето на 36-годишната актерка.
Џони Деп ја тужи Амбер Херд за клевета, тврдејќи дека тоа му го уништило угледот и кариерата бидејќи во колумна објавена од Вашингтон пост во 2018 година, таа напишала дека била изложена на семејно насилство за време на нејзиниот брак, без да го спомене името на Деп.
