Неделава тимот на Меѓународниот монетарен фонд ќе анализира дали ги исполнуваме условите за заемот за претпазливост и ликвидност, кој би бил со камата од 1 процент.
Очекувањата се до 3-ти мај да заврши увидот по што ќе бидат познати контурите за прекројувањето на државната каса.
Македонија бара заем од ММФ, но колку пари ќе потребни за покривање на дупката во Буџетот се уште е неизвесно, а за колкаво задолжување станува збор не открива премиерот Димитар Ковачевски.
Неофицијално министерот за финансии на средбите во Вашингтон побарал заем од 900 милиони евра. Секое ново задолжување ќе го зголеми и јавниот долг кој сега изнесува вкупно 60,8 проценти од БДП.
