Премиерот Димитар Ковачевски заедно со лидерите од Западен Балкан денеска учествува Самитот за Западен Балкан – Европска Унија во Тирана, Република Албанија. Учесниците на Самитот ги пречека премиерот на Албанија Еди Рама, а присустни се највисоки претставници од ЕУ.
На Самитот е предвидено земјите од Западен Балкан со ЕУ да усвојат декларација за зајакнување на соработката во повеќе сегменти со што се обезбедуваат подобри услови и бенефиции за граѓаните од земјите од Западен Балкан. Исто така е предвидено да се потпише договор за намалување на цените на роаминг тарифите помеѓу земјите од Западен Балкан и земјите членки на ЕУ.
Премиерот Ковачевски ќе учествува на две панел дискусии посветени на европската перспектива на земјите од Западен Балкан и соработката меѓу нив во справување со економската и енергетската криза. Во состав на владината делегација се и вицепремиерот задолжен за европски прашања Бојан Маричиќ и министерот за надворешни работи Бујар Османи.
