Маж во Каштел Штафилиќ во Сплит пукал во својот сосед, а потоа со секира нападнал минувач кој пробал да му помогне на застреланиот, пишува Слободна Далмација. Ова е неофицијалната верзија од настанот кој се случил вчера, а го истражува полицијата.
Далматинскиот портал пишува и дека конфликтот настанал поради паркирање.
Вознемирувачка снимка од инцидентот брзо се прошири по социјалните мрежи. Според првите информации од болницата во Сплит и двете лица се во стабилна состојба.
На снимката се гледа дека неколку секунди по нападот, се појавуваат двајца мажи кои му ја одземаат секирата на напаѓачот и физички го совладуваат.
Застреланиот паѓа на земја, додека нападнатиот со секира сè уште стои. Напаѓачот останува да лежи опкружен со луѓето кои го совладале.
Двајцата ранети се во болница, а сериозноста на повредите уште не е позната.
– Примени се двајца мажи. Првиот пациент (1978) се здобил со три прострелни рани во пределот на стомакот, левата натколеница и надлактицата на десната рака. Во овој момент телото е на итна операција, по што ќе се процени тежината на повредите. Друг пациент (1978) се здобил со рана во пределот на главата. Медицинскиот третман е во тек – велат од сплитската болница.
Уапсениот сторител наводно е 58-годишен поранешен морнар кој пред 21 година имал проблеми со законот, односно бил пријавен за обид за убиство и за недозволено поседување оружје.
