Лидерот на Движењето Беса, Билал Касами, во интервју за Алсат изјави дека на следните избори албанските партии ќе бидат поделени во два блока – албанскиот опозициски блок и другиот блок обединети со СДСМ во чии рамки се ДУИ, Алијанса за Албанците и новоформираните партии.
Касами рече дека ДУИ создава фиктивни партии само за да се спаси од губење на гласачкото тело.
„Опозицискиот фронт има моќ да ја собори не само ДУИ, туку и сите партии во Владата и тука не станува збор за нашата моќ, туку за моќта на албанскиот глас. Албанците се уморни од ДУИ повеќе од 20 години на власт, со некои вазали кои во одредени моменти ја играа улогата на опозиција. Денес, за прв пат ова го признаваат и претставниците на Владата и некои партии создадени под диктат на ДУИ дека на овие избори ќе има два блока: блокот СДСМ-ДУИ и албанскиот опозициски блок – рече Касами.
