Кинеската централна банка утринава ги намали клучните стапки на заеми за да ја заживее побарувачката, бидејќи податоците велат оти економијата неочекувано забавила во месец јули, јавува Ројтерс. Строгите карантини и ковид-мерки го направија своето. Ова истовремено го доведе производството на нафта во земјата на најниско ниво од март 2020 година.
Претходно, во јуни, кинеската економија за влакно избегна да почне да се намалува, а беше закочена од заклучувањето на трговскиот центар Шангај, продлабочувањето на падот на пазарот за недвижнини и упорното меко трошење на потрошувачите.
Потоа, во јули, индустриското производство порасна само за 3,8 отсто во однос на претходната година, според Националното биро за статистика (NBS). Тоа е значително помалку од 4,6 отсто кои ги очекуваа аналитичарите во анкетата на Ројтерс.
Продажбата на мало, која штотуку се врати на својот раст во јуни, порасна само за 2,7 отсто во однос на претходната година, пропуштајќи ги предвидувањата за раст од 5,0 отсто и растот од 3,1 отсто забележан во јуни.
– Податоците од јули сугерираат дека закрепнувањето по локдауните изгубило бидејќи еднократниот поттик од повторното отворање испадна, а бојкотите на хипотеките предизвикаа повторно влошување на имотниот сектор – рече Џулијан Еванс-Причард, виш економист за Кина во „Capital Economics“.
– Народната банка на Кина веќе реагира на овие спротивставени ветрови со засилување на поддршката…Но, бидејќи кредитниот раст се покажа помалку одговорен на олабавувањето на политиката отколку во минатото, ова веројатно нема да биде доволно за да се спречи понатамошна економска слабост.
Кинескиот јуан ослабе на еднонеделно ниско ниво во однос на доларот, а австралиските и новозеландските валути се повлекоа од нивните неодамнешни највисоки нивоа во последните два месеци.
Сè уште има ризици бидејќи многу кинески градови, вклучително и производствени центри и популарни туристички места, воведоа мерки за локдаун во јули, откако беа откриени нови епидемии на попреносливата варијанта на омикрон-сојот на коронавирусот.
