Кантоналниот суд во Сараево му одреди едномесечен притвор на Армин Берберовиќ поради сообраќајната несреќа во која загина Азра Спахиќ.
Оваа информација за Н1 ја потврди Русмир Каркин, бранителот на Берберовиќ.
„Точно е дека му е изречена мерка притвор од еден месец. Претпоставувам дека ќе биде префрлен во затворот Зеница“, ни изјави кратко Каркин.
Како што претходно беше наведено од Обвинителството на кантонот Сараево, притворот му е предложен поради ризикот осомничениот да го повтори кривичното дело доколку е на слобода и поради ризикот да се вознемири јавноста доколку осомничениот е на слобода.
Да потсетиме, Берберовиќ ја призна вината за сообраќајната несреќа што се случи во 23 часот и 30 минути на 26 мај во улицата Маршала Тита во Сараево.
Азра Спахиќ загина во сообраќајна несреќа предизвикана од Армин Берберовиќ (1996) додека возел под дејство на алкохол. Како што беше кажано претходно, Берберовиќ не го положи возачки испит. Во несреќата повредени се уште две жени, родени 1997 и 2002 година.
