Македонија е меѓу последните земји во Европа по нивото на невработеност, покажува јутјуб-инфографик кој користи информации за процентите од Светска Банка. Земјата почнала со околу 25 отсто невработеност во 1991 година, за во 1997 да имаме еден пик од 38 отсто, а сличен пик од 37 отсто се случува во 2005 и 2006 година. Во поголемиот дел од видеото процентот се движи околу 30 отсто, но во последните години тој се намалува.
Според видеото, лани во 2021 година, сме имале 16,20 отсто невработени лица. Земји со сличен процент и динамика се Црна Гора, Албанија и Босна и Херцеговина а во 2020 година, до Македонија со рекордна невработеност се јавува и јужниот сосед, Грција.
