„Насилството врз жените во домашните песни“ е наслов на виралното, шокантно видео на Јутјуб кое се споделува на социјалните мрежи на Балканот.
Видеото настанало како испитна задача на Ана Нинковиќ од Факултетот за драмски уметности во Белград, Србија.
– Целта беше да се направи преглед на домашни и регионални (екс-ју) песни во чии текстови доминираат мотиви на женско понижување како ултимативен доказ на љубовта кон партнерот, односно машко насилство врз жените во семејно-партнерскиот контекст. Насилството може да биде психолошко, физичко или сексуално. Во користените песни тоа се релативизира, романтизира, а неретко и се промовира. Секвенцата е поделена на два дела: на женска и на машка перспектива – наведува авторката под видеото.
Избрани се 36 песни од српски, хрватски, босански и словенечки изведувачи. Најстарата е објавена во 1981 година, а најновата во 2020 година.
Albanian
English
Macedonian
Turkish
