На социјалните мрежи почна да кружи видео на кое се гледа како ајкула гризна човек за рака и го повлече во матната вода од чамецот.
Ајкула каснала рибар кој ги миел рацете од страна на брод во Националниот парк Еверглејдс на Флорида.
Човекот го пријавил нападот на ајкула кај службениците на Службата за национални паркови, а чуварот на паркот кој го лекувал човекот рекол дека повредата е „конзистентна со каснување од ајкула“, се вели во соопштението на претставниците на националниот парк Еверглејдс и Дри Тортугас. Тие рекоа дека е „исклучително необично“ за Националниот парк Еверглејдс, пренесува ABCnews.
„Рибарот изјавил дека ловел риба од чамец во заливот Флорида и ги миел рацете во водата кога се случил каснувањето“, се вели во соопштението.
На видеото од нападот, за кое официјален претставник на Националниот парк потврди дека е прикажан инцидентот, се гледа како ајкулата скока од водата за да ја касне раката на рибарот. Се гледа како ајкулата го влече човекот од чамецот во матната вода, по што други рибари побрзаа да го вратат повредениот рибар во чамецот.
Инцидентот се случил во Флорида Пас, голема плитка лагуна во јужна Флорида каде свежата вода од Еверглејдс се меша со солена вода од Мексиканскиот залив.
„Иако каснувањето од ајкула е исклучително невообичаено во Националниот парк Еверглејдс, ние секогаш препорачуваме посетителите да бидат внимателни околу дивиот свет во паркот“, се вели во соопштението.
Според Националната федерација за диви животни, ајкулите можат да патуваат и во свежа и во солена вода. Други рибари од Флорида пријавиле слични интеракции со агресивни ајкули во областа.
