Времето денеска ќе биде променливо облачно, претпладне, во западните и северните делови со слаби локални врнежи од дожд, а на планините и во повисоките места со слаб снег. Ќе дува слаб до умерен, а долж Повардарието повремено засилен северен ветер, покажува прогнозата на Управата за хидро-метеоролошки работи.
Утринските температури ќе се движат од – 2 во Берово и во Скопје до 3 Целзиусови степени во Охрид. Максималните дневни температури ќе се движат од 1 на Попова Шапка до 9 степени во Дојран.
Во Скопје ќе биде променливо облачно, во утринските часови со слаб дожд. Ќе дува слаб до умерен ветер од северен правец, прогнозира УХМР.
