„Терористички тунел на Хамас е откриен во болничкиот комплекс Ал-Шифа“, објави ИД со видео кое го покажува, како што тврдат, влезот во подземен премин на теренот на болницата во Газа. Тие објавија и фотографија од оружјето што го пронашле, а тврдат дека имало и возило со кое на 7 октомври бил нападнат Израел.
Покрај болницата Ал-Шифа, ИД тврди дека снимката е и од болниците Ал Кудс и Рантиси.
Израелскиот министер за одбрана Јоав Галант изјави дека копнената операција во Појасот Газа на крајот ќе ги опфати и северот и југот, пренесува Дневник.хр.
„Следната фаза започна“, рече Галант, додавајќи дека израелските сили го исчистиле целиот западен дел на градот Газа – кој се смета за упориште на Хамас – додека началникот на Генералштабот на армијата вели дека се блиску до уништување на воениот систем на Хамас на север.
Ќе го завршиме“, рече генерал-полковник Херзи Халеви.
