Израелските воздухопловни сили на социјалните мрежи објавија дека во моментов вршат „напад од големи размери врз терористички цели на терористичката организација Хамас во Појасот Газа“.
Претходно, шефот на ОН за човекови права, Волкер Турк, го потсети Израел на неговата „обврска постојано да се грижи за поштеда на цивилното население и цивилните објекти“.
Речиси 700 Палестинци се убиени во израелските напади од викендот, според официјални претставници на Газа, а ОН соопштија дека 180.000 луѓе останале без покрив над главата.
Во меѓувреме, безбедносни извори потврдија за Ројтерс дека воздушните напади погодиле локации во близина на преминот Рафах на границата меѓу Појасот Газа и Египет.
Новинската агенција Сафа, исто така, објави дека во нападот се повредени двајца работници на преминот.
Претходно, израелски функционер ги советуваше Палестинците да ја напуштат Газа преку преминот Рафах, но неговата канцеларија подоцна објави појаснување во кое се наведува дека преминот е затворен денеска.
Прочитајте детали за конфликтите во Израел и Палестина во нашиот блог во живо.
