Поранешниот шведски фудбалер Златан Ибрахимовиќ го даде првото големо интервју откако стави крај на својата играчка кариера и во свој стил одново ја насмеа јавноста.
Ибрахимовиќ разговара со новинарот Пирс Морган и зборува за сѐ што постигнал во кариерата, но и за некои приватни работи.
Целото интервју ќе се емитува за неколку дена, а во меѓувреме како своевидна најава, на социјалните мрежи се објавуваат интересни детали од разговорот.
Еден од нив ја насмеа јавноста, кога Морган го праша Златан дали е од оние играчи кои велат дека постигнувањето голови е подобро од сексот. Швеѓанецот во свој стил му одговори:
– Сексот е подобар. Секој што мисли поинаку има проблеми во кревет!
