Познатиот холандски фудбалер Квинси Промес е осуден на 18 месеци затвор поради нанесување тешки телесни повреди на свој роднина.
Во јули 2020 година, на семејна веселба, го прободел својот братучед во грб и со тоа му нанел тешки физички повреди.
Судењето траеше долго, Квинси ги ангажираше најдобрите адвокати, но пресудата сепак стигна. Зад решетки ќе помине 18 месеци.
Промес порасна во Твенте, за кој настапуваше од 2011 до 2014 година.
Потоа беше на позајмица во Гоу Ахед Иглс.
Потоа следеше преселба во Спартак Москва во 2014 година, пред четири години подоцна да се пресели во Севиља.
Не остана долго во Шпанија, а во 2019 година се пресели во Ајакс.
Во 2021 година се врати во Русија, во Спартак.
За холандската репрезентација настапуваше од 2014 до 2021 година.
