Италијанскиот министер за надворешни работи Антонио Тајани изјави дека Италија нема да испрати војници во Украина, ниту ќе се користи италијанско оружје за гаѓање цели во Русија, пренесува Анадолија.
„Невозможно е Италија да испраќа војници во Украина, а тие да го користат нашето оружје во Русија“, рече Тајани пред неформалниот состанок на министрите за надворешни работи на НАТО во Прага.
Нагласувајќи дека ќе продолжат да ја поддржуваат Украина, италијанскиот министер рече дека според Уставот на Италија, невозможно е да се дозволи испраќање војници во Украина и употреба на нејзиното оружје за гаѓање цели внатре во Русија.
„Ние не се бориме против Русија. Ние ја браниме Украина. Не е исто“, рече Тајани.
Неодамна, генералниот секретар на НАТО, Јенс Столтенберг, изјави дека Украина има право на самоодбрана, а тоа го вклучува и правото на напад на легитимни воени цели во Русија.