Швајцарската полиција уби 32-годишен ирански барател на азил кој со закана со секира и нож неколку часа држеше како заложници во воз во западна Швајцарија десетина лица.
Иранец зеде заложници минатата ноќ, а полицијата повикана од патниците ја затвори областа додека возот беше запрен во градот Есер-со-Шамвер, соопшти полицијата во кантонот Вауд, на кој се зборува француски.
Никој од патниците не е повреден. Имало 15 заложници, а напаѓачот, кој зборувал фарси и англиски, побарал од машиновозачот да им се придружи.
По речиси четири часа, полицијата упаднала во возот откако се обидела да преговара со човекот преку преведувач. Во акциите биле вклучени околу 60 полицајци.
„Сите заложници се ослободени, тие се живи и здрави. Во акцијата киднаперот бил смртно ранет“, соопшти полицијата.
Винсент Деруан, портпарол на обвинителството на кантонот Во, изјави дека е во тек истрага, при што, меѓу другото, треба да се утврдат мотивите за нападот.
