Иранските власти денеска соопштија дека државата има „законско право“ да одговори на атентатот во Техеран минатата недела врз шефот на Хамас, Исмаил Ханија, напад за што беше обвинет Израел среде војната во Газа, објави порталот Баронс.
– Никој нема право да се сомнева во законското право на Иран да го казни ционистичкиот режим – изјави портпаролот на иранското Министерство за надворешни работи Насер Канани на редовната прес-конференција.
Ова следува по најавата за драматична ескалација на конфликтот на Блискиот Исток.
Најавена е силна иранска одмазда за убиството на првиот човек на Хамас, Исмаил Ханије, во Техеран, во средата, а тројца американски и израелски официјални лица рекоа дека очекуваат Иран да го нападне Израел токму денеска.
Ако силно вооружената либанска група Хезболах се придружи на одмаздата на Иран, војната што започна со бруталниот напад на Хамас врз Израел, може да прерасне во широк регионален конфликт.
