Репрезентацијата на Хрватска загуби во синоќешното финале од Лигата на нации против Шпанија во Ротердам, но фановите на „коцкестите“ имаа свое шоу пред почетокот на средбата, а видеата од нивото пеење пред борделите станаа вирални.
Желбата за освојување на значаен трофеј беше причината поради која на трибините на стадионот во Ротердам се најдоа илјадници навивачи на „коцкестите“, кои за жал тагуваа по средбата, не само поради несреќниот пораз туку и поради фактот што овој меч можеби беше и последен за легендарниот Лука Модриќ во дресот со национални обележја.
Но, хрватските фанови дома се враќаат со пријатни спомени од престојот во Холандија, што најмногу важи за Хрватите, кои пред финалната пресметка најдоа време да пеат серенади под прозор на проститутки во Ротердам.
„Излези мала“ ечеше пред куќата во која беа дамите кои се занимаваат со „најстариот занает“, кој во оваа земја може легално да се работи.
