Туристите кои планираат да ги поминат своите одмори на прекрасните хрватски плажи ќе се соочат со значително зголемување на трошоците.
Владата на Хрватска неодамна донесе нова уредба која значително ги зголемува минималните надоместоци за изнајмување лежалки, чадори и други услуги на јавните плажи.
Според новата уредба, минималната надомест за изнајмување лежалки и чадори сега изнесува 40 евра годишно, што е скоро осум пати повеќе од претходно најскапата минимална надомест.
Оваа промена доаѓа по две децении без регулација на овие цени, што предизвика бран незадоволство кај локалните жители и кај туристите.
Дополнително, новата уредба предвидува и зголемување на надоместоците за други услуги на плажа, како што се изнајмувањето на опрема за рекреација и спорт, угостителски услуги и трговија.
На пример, претприемачите кои имаат кафулиња на плажа отсега ќе мора да платат минимум 3.000 евра годишно за користење на јавниот простор, плус 60 евра по квадратен метар за тераса.
Навидум, оваа информација не треба да ги засега туристите, но сепак треба да се напомене дека давачките на претприемачите со сигурност ќе предизвикаат раст на цените на пијалаците и храната во рестораните и кафулињата.
Овие промени се дел од широките напори на хрватската влада да ги зголеми приходите од туризмот, кој претставува значаен дел од националната економија.
Сепак, постои загриженост дека високите цени може да ги одвратат потенцијалните посетители и да имаат негативно влијание врз туристичката индустрија во долгорочен план.
