Американскиот амбасадор во Косово, Џефри Ховениер, му порача на Кљан Косова дека САД очекуваат Владата на Косово да преземе одредени мерки за да го испрати нацрт-статутот на Заедницата на српските општини до Уставниот суд.
Како што пренесува порталот Косев, Ховенје истакнал дека нацртот до Косово и Србија го доставиле претставници на Германија, Франција, Италија и САД.
„Ова не е само серија идеи од некоја консултантска организација. Така, нашиот најдобар совет до Владата на Косово е да ја искористи оваа можност и да продолжи напред“, рече Ховенје.
Тој додаде дека САД и ЕУ ќе ја почитуваат секоја одлука на Уставниот суд и додаде дека очекуваат и Косово да го стори истото.
Коментирајќи го предлогот на косовскиот премиер Аљбин Курти, специјалниот пратеник на Европската унија, Мирослав Лајчак, да го испрати нацртот до Венецијанската комисија, Ховенје рече дека не ја знае целта на тој предлог.
„Имаме голема почит кон Венецијанската комисија, но во изработката на овој статут учествуваа многу угледни експерти. Мислам дека не се плашиме од што и да сака да направи Венецијанската комисија, но тоа не го решава основниот проблем. Прашањето, како што јас го разбирам или како што слушнав од владата, е дека тие не се убедени дека нацрт-статутот е во согласност со Уставот на Косово“, рече Ховенје.
Тој додаде дека очекува Косово и Србија итно да ги исполнат своите обврски кои беа преземени во дијалогот во Брисел.
Ховениер изрази надеж дека српскиот претседател Александар Вучиќ и Курти ќе имаат политичка волја да најдат заеднички јазик, за да постигнат некои победи за двете страни и да го придвижат процесот напред.
